شِنگ کن:
ہر میتگ ءِ بِگند گِس ءَ بے تواری اِنت
سر گر کہ موسمانی کپوتے وداری اِنت
پَلگار ءُ شود گرٛیتگیں چمّانی بُندر ءَ
روزَردگ ءِ اے گوٛات کہ تبد ءُ لواری اِنت
ہر بینگیں اَنارک کُدینیت زہرگ ءَ
ہر تلملیں لقاء ءَ بگندئے اناری اِنت
دَمبُرتگیں چراگے ءِ ہوشام تلملیت
بچکندگانی برٛمش گلاس ءَ چَکاری اِنت
دروازگانی عکس نگاہاں نہ دیستگ اَنت
ہر نیمگ ءَ پہ زند ءِ اُمیت ءَ تہاری اِنت
مارشت جوشیں باطن ءِ آواز ءَ دَرکپیت
دل زئیپیں مارگانی تہا گُژن واری اِنت
ذاکر ؔ دپارے نان کچک ءَ را ہم رسیت
انسان ہر متاہ ءِ غم ءَ بے قراری اِنت