شِنگ کن:
کاروان ءَ منتگیں راہانی آسر چاراِتگ
ما کہ در ملک ءَ بلوچیں ہر مسافر چاراِتگ
شہسوار سالار دوشی درشُتگ کُلّ ءَ وتی
پیادگیں مرداں مروچی دشت ءُ کلبر چاراِتگ
ما پہ کُلّ ءِ شادہاں جوشینتگ اَنت حونانی حون
تو پہ کُلّ ءِ سوچگ ءَ اوں آس ءُ انگر چاراِتگ
شے مریدؔ ءِ برٛتکگیں داگانی تراول درٛاہ نہ بنت
حانی ؔ ءِ آدینک مہر ءِ میریں چاکرؔ چاراِتگ
تو پہ ناکو زتکی ءِ اوست ءَ کہ سر ساتگ منی
من مدام ءَ پیرُکانی یکّیں حاتر چاراِتگ
ما کُجام زہم ءَ جَنیں پہ گُلزمین ءِ موکگ ءَ
ما کہ دُرّیں مہکجانی زُلپ ءُ زانسر چاراِتگ
زہیر نالیت شانتلیں دل سُتکگیں سرشاہے ءَ
سکّیانی روچ زگریں ما کہ ذاکر ؔ چاراِتگ