شِنگ کن:
ھوا ءِ ارس ءِ جنازہ ھواءِ دزگھاراں
پرشتھانی کلم ساربان ءِ آیاتاں
آ مرد دوشی کہ گُرکانی شکارءَ شتگ انت
آ مرد گوں وت ءَ گوربام ءِ ھِنیاں کاراں
تئی زھیر گڈیل پروشیں بشّے ءَ برت انت
جناور انت تئی پدریچ ءِ واباں چرگایاں
رفیق ءِ لچہ ءَ مُرگانی ٹولی یے واب انت
مہ ٹوھین بل منی آدینکیں آپ ءِ سرگواتاں
من ازم ءِ دراجیں سپر نکش دات تئی چوتارءَ
چراگ نوکی وتی گوست ءِ کسھاں کاراں
منی جبین ءِ گُبار ساچیں کوٹی ءَ ایر انت
کتاب، ساز،شراب انت ءُ چنکے استاراں
اے شھر سرجم ءَ دوشی کسابے ءَ وارتگ
نی دھکاں کار ادیرھیں شکّاں کشگاھاں
زمین پورا نواب آس ءِ چمگے مرچاں
من در کناں وتی ارجین ءِ ھپتیں آزماناں