شِنگ کن:
پہ چیپاں موری ءَ روک کن چراگاں
شپ ءِ تاموری ءَ روک کن چراگاں
آ گوست ءِ ساھتاں آ در نہ بوج انت
دلانی ھوری ءَ روک کن چراگاں
ادءَ پیریں زمیناں بار بوتکگ
اے ھلک ءِ ھوری ءَ روک کن چراگاں
اے دریا زر نبشیں انکلابے
گل ءِ بانوری ءَ روک کن چراگاں
سدی گوست انت زمین ءِ چارگ ءَ نئیت
ھداءِ دوری ءَ روک کن چراگاں
نی آس ءَ را سلاہ بستہ کناں من
تو بے دستوری ءَ روک کن چراگاں
نواب یک مانشی پرداچے دنیا
دل ءِ مجبوری ءَ روک کن چراگاں