شِنگ کن:
ھون اندیم نہ بیت، ھون ءِ نکابانی پدءَ
اے گنوکی ءَ مکن تو وتی وابانی پدءَ
بیا بکن سَیل بھارءَ دل ءِ ٹپّانی منی
اینکدر دیر مرو سُھریںگلابانی پد ءَ
دگہ تژنے ءُ شِگانے دگہ پیگورے بجن
تراجی جان کناں جوریں جوابانی پدءَ
مانزماں کے؟ ءُ کے ءَ کرتگ گوں من کبزکولات
اودءَ گلباگ رس ایت مارا سوابانی پدءَ
مھرءُ بنی آدم ءِ دوستی، مئے ایمان ءُ مئے دین
واجھی برجم اِنت تئی انگریں زْرابانی پدءَ
چہ تئی زردءَ نہ بیت شرتریں رھشون پتو
وتی زندءَ مکن بربا دکتابانی پدءَ
آجھان ءَ منی بھرءَ ھم بزیر تو مُلّا!
مرچی یک کدّھے بوْارین آشرابانی پدءَ