شِنگ کن:
جی جی ! پر تئی توار ءَ
جان ! جان ! مئے زرنگار ءَ
ندر ! ندر! پہ قدچنار ءَ
بَر! بَر! غم و گبار ءَ
اُف ! اُف ! دلءِ پہار ءَ
زار ! زار ! گریت سحار ءَ
لڑ ! لڑ ! ارسءِ قطار ءَ
ٹِپ ٹِپ کپنت ڈگار ءَ
بِلّ ! بِلّ ! نوں انتظار ءَ
بیا ! بیا ! منی کنار ءَ
مَلّ ! مَلّ ! قرار قرار ءَ
زُوت!زوت! بہ رس پہ وار ءَ
بیا ! بیا ! پُل و بہار ءَ
ہر ! ہر ! دیار دیار ءَ
دُرّ ! دُر ! خمار خمار ءَ
وش۔وش بہ ہوش و سار ءَ
سُہر۔ سُہرکن لالہ زار ءَ
کوہ ۔کوہ ۔تلار تلار ءَ
سبز سبز ہر جر دار ءَ
شات۔شات غریب و خوار ءَ
جوش جوش بوانی آزاتؔ
شر شر۔ مستیں توار ءَ