شِنگ کن:
جزماں شپ تہار ماہیں سہب کیت ءُ سحرا بیت
من نہ ننداں آراہ ءَ منزلے کہ بے براہ بیت
موسم چے زہمے جنت کاریت دنز ءُ تامو رے
امل ءِ شوہاز ءَ آتار ہیر ءِ مئے ہمراہ بیت
پہ دردانی چیہانٹ ءُ نالگ ءَ زہیرانی بُنت نہ بیت کس ءَ
چے مرکیں دنیا ءَ منگلیانی توار ءَ آگاہ بیت
دیستگاں دیدگاں بُن داتگ ناداناں
انگا گشنت کہ روکیں چراغاں دہر رُژناہ بیت
اندر ءَ وابانی نہ بیت بے حال دل ءِ ہمراہ اِنت
تنیگہ ہمک پاس ءَ رہچاریں داں سحر ءَ بیت
پہ تئی بچکندے بتیگاں گمانی سوداگر
پہ ایرجیگ ءَ درنگیں پورانی گیوار ءَ مراگاہ بیت
پہ منی باندات ءَ بے گم جہان ءَ بے میمیں بے میمی
زاناں کئیت فرہادؔے کول شیرین ءِ برجاہ بیت
گنجیں دنیا سرا زرتگ بزگیں نالگانی شوہاز ءَ
چو زاناں روچے سرپد ہمک آزمانیں درگاہ بیت