شِنگ کن:
نشتگوں گسر چہ تو ترہگ تئی یات ءُ گیر نیلنت
باریں گیشتر کئی راج ءِ نندگ ءَ بیر ءُ تیر نیلنت
چو نہ انت بباں پل واب گنداں وتی شلیں ارساں
بوجاں جیگ بند ءَ بلے ترہگ پوپل ءُ ہیر نیلنت
زاناں کشگ ءَ انت سمین سارتیں چہ مئے آپریچ ءَ
واب ءَ امل ءِ جیگ ءِ آتار ءِ یات ءُ گیر نیلنت
دل دوزہی نہ بیتگ چہ دیری ءَ نہ یتکگ ءِ نزیک ءَ
ودار مہ بنداں زہیر نندگ ءَ چو بے تاہیر نیلنت
پما شپ ءِ نازینتگیں زہیراں روچ ءِ سالونکی ءِ سفر انت
پہ سہتکے آرام ءَ چاپ ءُ چوگان تئی منگیر نیلنت
ارواہ بکشاتگ مرچیگیں زندمانی ءَ پہ باندات ءَ
مارا اوں سر ءَ گلزمین ءِ نندگ ءَ دیر نیلنت
زعفران حاک ءِ پاسگاہ ءِ نشان کتگ بیگوٛاہ
لوٹاں بگوازیناں رہگوزیاں داشتَگیں فقیر نیلنت
پہ وتی ماہیں امل ءَ چو شہ مریدؔ شیداہاں
گستائی ءَ زلفانی چیر ءِ شہد ءُ شیر نیلنت