شِنگ کن:
جند ءَ مانگیش اِتگ عجب انسان
ایمن اِنت چنچو واجہیں شیطان
بالواں بیدے ما چراگانی
کئے سرا کنت پہ وابے ءَ قربان
دربہ گیج اَنت دگہ حُدایے من
بے ایمانے آں نیست اگاں ایمان
سیتّ پہ ہمراہاں وتی آراستگ
بل من ہرگام ءَ چست کتگ تاوان
کے انت کہ گیش انت اچ وتی ذاتءَ
ٹپّاں چاگرد چون بیت درمان
نُور شہمیت گلاس ءَ دست ءِ منی
اے منی اللہ تئی وتی انت شان
توکل ءَ مئیگءَ پرٛوش دات نہ کنت
راستی ءِ راہ ءِ شرتگ ءُ طوفان
ماہ تئی مہکان ءِ زانا کم چے بیت
در اگاں بیتیں کبگے ءِ ارمان
ہچ کس ءَ پہ نہ داریت،اشتاپ اِنت
وہد حِساب ءَ وتی ءَ بیت جنزان
اے دو روچی ایں زندگی ءِ غم ءَ
سگّاں گوٛازیناں پہ ندیمؔ کندان