شِنگ کن:
کعبہ ءَ مہر ءِ تئی شوہازی اِنت
دل مئے مرچاں پہک نمازی اِنت
گورجتگ زاناں شانزدہیں سالاں
ٹیٹلیں کاڈے چو مجازی اِنت
عشق ءِ تُرندآپ ءَ کہ حرام لیکیت
آ کُجام شہرءِ کوریں قاضی اِنت
دوستیءِ قحط اِنت ، مہرءِ ڈُکّال اِنت
ہو! گُشنت مرچاں زرّءِ بازی اِنت
ترانگ ءِ دشت ءَ دل دھمالءَ ئے
کئے تئی ڈُہلی کئے تئی سازی اِنت
دروشم اِنت یکّیں دو نقاب ءَ اِنت
یکّے مئے لاءوان ، یکّے وازی اِنت
شر تئی چّی اِنت ، چے تئی فتویٰ
دو اگاں دل کہ مُلاّ رازی اِنت
زِند ءِ چکّاس ءَ مرتگنت ناحق
کئے شہید بیتگ ، کئے اِنت غازی اِنت
واہگ ءِ شہر ءَ عیؔد ہمُک عاشق
ٹیٹلُکاں گوں دست بازی اِنت