شِنگ کن:
کُوچگ ءَ درد ءِ کُنٹگاں امباز کن اَنت
زندگی دیدگ مئے ترا شوہاز کن اَنت
عشق ءِ ساچان ءَ عاشق تئی نودیں بیگہاں
گوں دل ءِ تاراں ترانگ ءُ زہیر ساز کن اَنت
مومناں مہرءِ ترانگءِ پّتر پچ کُتگ
نشتگ اَنت تہنا تئی بُتءَ امباز کن اَنت
نیادی ءَ زند ءِ ما وفا نیلام نہ کت
شہر ءِ اے مردم انچکیں گپّے باز کن اَنت
چو منی سینگ کہ پچ اَنت درد ءِ دست دوئیں
واہشءِ مُرگءِ بانزلاں مگراز کن اَنت
عیؔد اے ساچانیں موسم ءَ اللہ ءِ معیار
پُل جن اَنت چاپ ءُ جنّت ایں جیگ ناز کن اَنت