شِنگ کن:
کجا وشیانی سروزءِ توار کجا شادمانیءِ گپءَ جناں
غمءِ ہمسفر نشتگاں ایوکءَ تئی مہربانیءِ گپءَ جناں
منی عہدءِ قصہ نمیران بیت نہ مناں من زوراکیءَ چاکرءِ
ہمے وت ماں وت کہ بہ ننداں بلوچ وفاداریں حانیءِ گپءَ جناں
کدی رہسراں وشبو تالان بنت کدی دیدگانی ندارگ بج انت
کدی کاڈ رمب انت پہ سئیلءُ سوادءَ شپے ماہکانیءِ گپءَ جناں
ہمے لوٹ اتگ کہ بداراں ترا دلءِ دیدگاں گوں بچاراں ترا
منءَ ترس اتگ یا نگاہاں منی وتی بے زبانیءِ گپءَ جناں
منءَ دروہ اتگ وعدہاں محرمءِ تئی کلءِ روبرکتءَ نشتگاں
نگنداں پری دروشمیں دلبرے وتی نوجوانیءِ گپءَ جناں
ادا کسیءَ را پہ کسءَ نہ بیت چہ امروزءِ راہءِ اڑاں سر پداں
منی غم منءَ را پریشان کنت کئی زندمانیءِ گپءَ جناں
کجا مارا شدادءِ جنت رسیت کجا ماہیں حورانی دیدار بیت
منی وا گنوکی ہمیش انت عیدؔ من تہنا پلانیءِ گپءَ جناں