شِنگ کن:
ماہ ءِ درفش ءَ آس واہگ، برف آسمان ءِ بدن
داغ دیان اِنت نوجوانی روک سوزمان ءِ بدن
گار اِنت منزل زردءِ سفرءِ دراجیں پندے مُشکلیں
زند ءِ توشگ شیر، شیر اِنت چوکہ مہکان ءِ بدن
مہر ءِ سینگ زہیر ءِ ڈڈّر روکیں دل چو دوزہ ءَ
درد ءِ باطن موجر اِنت مئے پاشک اومان ءِ بدن
زند ءِ راستی جوزگاں گوں نوکیں ساچے داب کنت
انگت سِتک ءِ کوریں غار ءَ قید ایمان ءِ بدن
وہدءُ باریگ قرن گوستنت بحت ءِ استال شہم نہ کنت
واب چراغ ءَ چوگِدان ءَ، ذِرد ءِ ارمان ءِ بدن
مہر ءِ مہرُک عزّتانی انگت زندگ عیؔد دلاں
انگت روکیں مہرءِ آس ءَ عشق ءِ پیردان ءِ بدن