شِنگ کن:
من ھما قندیل ءِ پیما رژن بالینتہ وتی
بالواں چاگرد ءِ چماں راہ سازینتہ وتی
نا پُرانا دیتوکی تندے نشانی مان اِتہ
سُتکگیں بالاد توامیں دوست ءَ نامیتہ وتی
مئے تب ءِ سرھیلی ءِ انگت نہ پُرشتگ مھکمی
ھمبلاں مکُرانی بِلّے عقل تاچینتہ وتی
ترانگ ءُ یاتے گوں زمباں بالی مُرگانی وڈا
ھشک ءُ تُنیگیں تماہ ءِ نُک تامیتہ وتی
چم پچاں پہ کور دیدی رھبری نام کش اِتگ
ما اوں گُل ارواہ زِرد ءِ زھر چارینتہ وتی