شِنگ کن:
تو پہ منی واہ ءِ پدا مرواردیں ارساں مہ گوار
واھگ منی جند ءِ نہ انت ھست انت تئ زرد ءِ کرار
تلکاریں ھونانی نشان ارسیگیں کاڑانی گشان
ڈوبار انت بالاد ءَ منی لیٹ انت دل ءَ چو سیامار
ماتی منی ساہ ءِ بدل پنتے چہ آ ماتاں بزور
لجانی دیمپان اش کت انت بچ تنگویں شیرءُ مزار
ڈساں من ءَ ننگ ءِ بدے ہالو ہلو ساڈا من ءَ
کار بند بلوچی زھرگ ءَ باھند کن گوں تیر ءُ سگار
شیر ءَ منارا پہل بہ کن دست ءَ سر ءَ ایرمال منی
دیم ءِ تہاری ءَ لپاش ، مہر ءِ تشے پرمن سرار
ساہ ءَ منی دلجم بہ بی مرگ ءِ لوار کشت نہ کنت
من کہ نباں بازیں بنت ماں شادہاں گوں تو ھوار