شِنگ کن:
من رواں دوست ءَ وتی چاراں من ءَ نیل اَنت اِنت
چون من سبر کناں زھیر من ءَ نیل اَنت اِنت
آتش ءِ عشق ءَ بسے ستکگ مسل ءِ پروانہ !
ھُوبرو ناز کن ات چاراں من ءَ نیل اَنت اِنت
عشق ءِ دریا ءَ کپ ئے مشکل اِنت درآیگ پد ءَ
چون من تار کناں ، چول من ءَ نیل اَنت اِنت
دوستانی عشق ءِ نتیجہ ءَ من ترّاں گریواں !
گریوگ ءَ بند کناں ارس من ءَ نیل اَنت اِنت
وارتگ من اِشک ءِ شراب مست ءُ بے ھوشاں
مستی ءِ رمز ءَ کناں ، ھمراز من ءَ نیل اَنت اِنت
وابیں دل ئے بُرت منی چو من ءَ بے واب ئے کت
من گلُ ءَ یاد کناں بلبل من ءَ نیل اَنت اِنت
اے جلال باد ءِ زوال دنت اِنت جمال در کپ ایت لال
شعرا وتی بند بہ کن سوز من ءَ نیل اَنت اِنت