تو بگش من وتی ھمراز ءَ کئے ءَ پیش کناں

تو بگش من وتی ھمراز ءَ کئے ءَ پیش کناں

اے دل ءِ توک ءِ من آواز ءَ کئے ءَ پیش کناں

منی شعرانی تہا حُسن ءِ تئی تعریف اَنت

وتی شعرانی من تعریف ءَ کئے ءَ پیش کناں

ابنِ آدم کہ مناں است فنا است بقا

وتی انجام اے آغاز ءَ کئے ءَ پیش کناں

موت نزیک اَنت منی وقت روان اَنت جلدی

زندگی تئی اے سُر ءُ ساز ءَ کئے ءَ پیش کناں

وشیّں وابانی تہا شہر جلال وپسوک اِنت

انشپی من دل ءِ آواز ءَ کئے ءَ پیش کناں