شِنگ کن:
ساہءِ سرگاریءَ گیش کنت حاجتاں
چنچو بے ساریءَ گیش کنت حاجتاں
مہرءِ امروزءَ مَارا نہ کرتگ وتی
دل پہ بازاریءَ گیش کنت حاجتاں
تاسے آپءَ وفا وہدے صد سالءَ بیت
کئے وفاداریءَ گیش کنت حاجتاں
داں کجا تالہءِ روک بنت شپ چراغ
زندگی واریءَ گیش کنت حاجتاں
ارس بندیگیں چم صحب پہ جیگءَ شپءِ
عشقءِ راہچاریءَ گیش کنت حاجتاں
مَاہءِ گیوارءَ عیدؔ سمبہیت موسم یے
ہنچو ڈولداریءَ گیش کنت حاجتاں