شِنگ کن:
ہست منءَ آرام نے شپاں واباں
گیر کاراں تئی دروشمءِ داباں
ہاترا تئیگءَ غم بہا زیراں
شپ نہنگام انت چہ ترا دیراں
چوں بہ سنداں تئی باغءِ انجیراں
تو سریے گوپتگ زلف تئی تاباں
گیر کاراں تئی دروشمءِ داباں
داب تئی وش انت ناز پیش دارئے
کد منی مہرءِ قصہاں کارئے
کنٹگاں دردءِ آس ماندار ئے
ساہگءَ روچءِ پہ تو کریاباں
گیر کاراں تئی دروشمءِ داباں
شادہءِ شہرءَ تئی گشاں درفشیت
موسمءِ رنگءَ ماہکاں درفشیت
گندگءَ تئیگءَ مئے جہاں درفشیت
شپ زہیرانی مہپرءِ تاباں
گیر کاراں تئی دروشمءِ داباں
من چتگ ڈاہے زیکیں بیگاہءَ
ناز بوہے رستگ کلءِ پیشگاہءَ
چو مہ بیت باندا در بہ باں راہءَ
نشتگاں عیدؔ من جھیڑاں روتاباں
گیر کاراں تئی دروشمءِ داباں