شِنگ کن:
شیرکنیں مہرءِ بولی یے لوٹیت
دل منی شاتیں لولی یے لوٹیت
ترانگءَ کپتاں نوجوانی ئے
لوٹ اتگ عکس یے تو کسانی ئے
عمرءِ بے چاڑیں ساہتاں جیڑاں
عشق محتاج اِنت زندگانی ئے
مَاہکاں جنزیت جنت وتی پندءَ
کلکشاں کنزیت مَاں دلءِ بندءَ
چو کہ لیٹینیت دیدگ ئے تاکاں
جمبرے شنزیت بلکیں بے گرئندءَ
شانتلءَ نال ات بیگاہءِ بیلءَ
روک کتگ قندیل مَا کہ بے تیلءَ
مولماں زرتگ سرجتگ دوشی
درد سہڑینتگ دل کتگ لیلا
واہگ ءُ مہرءِ پل بے بوداں
’’سرکتگ گواتءَ شنزاتگ نوداں‘‘
موسمءَ عشقءِ باز رنجینتگ
عیدؔ دنیاءِ بے سریں دوداں