شِنگ کن:
شر رنگ شیر مثال پری ماہءِ درور انت
اے کہ گلءَ چو بال انت تئی قد ءُ ہمسر انت
’کُنٹگ بر‘ اَنت بلّءِ کہیرانی تاک ءُ لمب
شپ درنگ یے موسمانی شانتل کجا گرانت
واجہ اے نیت انت کہ چو تین تپتگ سرزمین
دل روک بنت انگراں ارواہ گیمر انت
ساچانیں روچ زلفاں سماریت سساءِ
کشیت کوش بیگہءِ موسم بہ انسر انت
مَاں راج دپترءَ تہا مانیت قصہ یے
اوستءِ صباءِ پل ہمَا منزلءَ زر انت
تو روچءِ بانکءِ گوں استالاں گپ بکن
چمے بچار خماری ئیں ، مئے گہار سردر انت
سر بیتگ دل مڑایے تئی دیدارءِ منزلءَ
چیدگ ربیدگانی کہ چماں چہ اندر انت
باندا پہ واب گندیت عید ؔ، انچیں شاعرے
راجءِ زبان زانت ہمک دیمءَ پدّر انت