شِنگ کن:
سینگاروتءَ سہت ءُ دمان ذردءَ منیگءَ آس دئے
غم دوستیں زندءِ واہگاں سہتے بیاءُ ترْاس دئے
مسک ءُ زبادیں مہلباں شنگیں ماں تاسیں قدّحاں
مال اِش سُبک بیکاں وتی آترْاپ ءَ کُلّیں باس دئے
نندگوں خُماریں دلبراں براہ دار بکن بچکندگاں
اوستانی کاشیں کُڈّکءَ روچے دوبر تو آس دئے
آ، کہ تو گوں من گشتگ اَنت من پہ مڑاہ در بُرتگ اَنت
مہرانی راستیں دپترءَ چوٹیں دگہ چکّاس دئے
مئے واہگ ءُ زندءِ مُراد بلّے سُچنت سجیگ بنت
تو چندنیں جیگءَ وتی نگُرہ چکیں الماس دئے
بیگاہ ءِ سارتیں مولماں تنگاں شراباں کُچّلیں
زندءِ ابیتکیں رہسراں دستاں منی بیا تاس دئے