شِنگ کن:
سمّلءِ مَلّگاں یک جہان یے بہا
سمّلءِ کندگاں یک جہان یے بہا
سمّل ءِ ٹہل ءُ نازانی حیرات اتاں
سمّلءَ گوں گمیگ ءُ گل ءُ شات اتاں
سمّلءِ جیڑگاں یک جہانے یک بہا
سمّلءِ کندگاں یک جہانے یک بہا
سمّلءَ بیت روزرد ءُ بامءِ طلب
سمّلءَ بیت بیگاہ ءُ شامءِ طلب
سمّلءِ واہگاں یک جہانے یک بہا
سمّلءِ کندگاں یک جہانے یک بہا
سمّلءِ کُبلیں بروان شِلّیں مچاچ
سمّلءِ مہپرانی گلیں نود ءُ ساچ
سمّلءِ دیدگاں یک جہانے یک بہا
سمّلءِ کندگاں یک جہانے یک بہا
سمّلءِ ماہیں گیوارءَ سنجے بُجیت
سمّلءِ جیگءَ مہکانءِ ماہ سمبہیت
سمّلءِ لُڈّگاں یک جہانے یک بہا
سمّلءِ کندگاں یک جہانے یک بہا
سمّلءِ عیدؔ عمرءِ تماہ پُرشتگاں
سمّلءِ عیدؔ اوستءِ پدا نشتگاں
سمّلءِ چارگاں یک جہانے یک بہا
سمّلءِ کندگاں یک جہانے یک بہا