شِنگ کن:
چم جنت
منی پہ گلیں بہارگاہے
تئی گشان اوں رچیت
پہ دیدگانی براہے
دودل کہ زر انت
چے مستاگے؟
راہچاریءِ صبا
گروناکیں بیگاہ یے
کاڈے گلیں گشانءَ
تئی کہ سر چنت مستاگی لوٹیت
بشارتانی معناء امروزءَ
دوروحانی ہورءُ ہواری
مَا فقیریں دلءِ واہند
پہ دپی وشاتکے محتاجاں
محتاجاں کہ
غماں باراں
کئی راہچاراں
شادہیءِ روچ حدا مرزی
تہاریں دیدگانی شپ روچ بنت کہ مہ بنت
چم جنت
چورہیں چمءِ ارساں گشانءَ کن
زردءِ یاقوتاں ترانگءِ مروارد
چم انت شہم انت چو تئی شارءِ ستارہ
امیتءِ باندات وائی بیت کہ مہ بیت
واہگءِ امروزءَ لقائے درفشیت
چراغیں زانتءِ آدینکءَ
دژمنءِ نگاہ ءَ پل کنٹگ بنت
تئی مہرءِ مکہیں ہنکینءَ
حانیءُ مریدءِ پد گار انت
من تہنا وتءَ چوںبہ رکھیناں