شِنگ کن:
پراہیں آزمان ءِ چیر ءَ
دیرماں کوہسارانی سرا ءَ
سیاہ ءُ تہارا ماہیں شپاں
لُوڈ ءُ مُجیں سیاہ گواتاں
کُلّانی چراغ ٹمب اَنت
باریں پہ کُجام اوست ءَ
سہت ءُ دمان مرچی
بیل ءُ ہمبل یات کاینت
سیاہ ءُ تہار ماہیں شپاں
لُوڈ ءُ مُجیں سیاہ گواتاں
آہانی تل بستگیں لُنٹانی سرا
نوکیں سُباہ ءِ وش گپّی اِنت
واہگ ءُ اُمّیت اِنت
ہِچ نہ ماراَنت ماں دلءَ
سیاہیں شپ ءِ بیم ناکیاں
اے جاہ پہ جاہیں رُژن ءَ
نقش اَنت وداراں قصّہ
کہ شہمے رُدیت پمّا
مئے کُلّ ءُ گداماں
توارے کپت گوشاں
رہگوزانی گوش ءُ کندئے گُشئے
روان اِنت، روان اِنت
گاریں منزل ءَ اے زاناں
من ہم سکین ءَ ذِرد ءِ
گوں کپتاں ہمے بیلاں
روان بیتاں ہمے راہاں
پہ شوہاز ءَ ہما رُژن ئے
پہ شوہاز ءَ ہما رُژن ئے
لُوڈ ءُ مُجیں سیاہ گواتاں