شِنگ کن:
وفا ءُ مہرانی کاروان ءَ براں گوں دیمءَ
دلءِ من عشقءُ غمءِ جہانءَ براں گوں دیمءَ
ترا حیالءِ بشانگءَ گُل کناں من بانور
دلءِ اے بژنءُ وتی گُمانءَ براں گوں دیمءَ
بگندئے شعرانی نیزگاری ءَ ہستی ئے دنت
املّ تئی واریءِ من شگانءَ براں گوں دیمءَ
او عشق کچکولءَ بیا شہار کہ غم اِنت حیرات
دلانی درگاہءَ تئی نکانءَ براں گوں دیمءَ
وفاءُ آزمانءِ کلکشانءَ من رُژن بخشاں
اے ماہءَ زیراں آ، ماہکانءَ براں گوں دیمءَ
بجل بہشتیں منی تو زندءِ گَلاں بزیرگوں
دلءِ من ارمانءُ سوزمانءَ براں گوں دیمءَ
ستر اِدا عیؔد بدیءِ شرتگ بہ گوارنت ترونگل
وت ءَ تئی ایمانءِ من نوانءَ براں گوں دیمءَ