شِنگ کن:
زندءِ لوٹ ءُ حاجتاں پہ منزل یے سر کت کناں
من بلوٹاں تئی غمءَ چہ اے دلءَ در کت کناں
زندءِ گرانیں راہ ارزان اِنت ماں زلفءِ تچک ئیءَ
زندگاں پہ تو ودار من دوست ءُ دلبر کت کناں
تو بہارءِ منّتءَ گوں ساہگاں لاڑی کن ئے
من چو درچکءَ چِلّہانی موسمءَ بر کت کناں
چاڑ زورنت تئی زہیر وہدے گوں شعرانی تبءَ
من وتا گوں پور ءُ استاراں اوں ہمسر کت کناں
عیدؔ نمیران انت فقیری درچک ، دردانی منی
ساہگءَ جلّ ءُ مجلّیں دیدگاں تر کت کناں