بلوچ ءِ باریگ الم ءَ کئیت

اے کوہ !

مئے ڈیہہ ءِ پاسبان انت

مئے زمین انت، ءُ آزمان انت

اے گٹّ ءُ گر، اے تلار ءُ سنگر، اے زید ءُ کہچر

اے مسکیں میدان ءُ پت ءُ گریشگ!!

اے کہن ءُ شہجوہ ءُ کوٴر ءُ کیلگ، بلوچ ءِ شان انت !!

مئے راج ءِ آزاتی ءِ نشان انت !!!

مدا اے نعرہءَ جنان انت !!!

داں یک استالے ھست مانیت ماں آزمان ءَ!!!

داں روچ ءِ روژناھی ھستگار انت!

ماں جہان ءَ

داں ماہ روک انت !!

شپ چراگیں !!!

داں بام رکش ایت !!

گروک شہم ایت !!

ماسدّکاں !!

ما دل ءَ یکیماں

بلوچ ءِ باریگ الم ءَ کئیت !!

بلوچ ءِ باریگ الم ءَ کئیت !!