شِنگ کن:
باندا کہ سر گراں سفر ءَ یار زندگی
پہ منزلے رسیناں ترا یار زندگی
زوراکیں واہگانی بدیں درٛچک ءِ گُڈّگ ءَ
بے دستگ ءَ نہ بیت تپر ءَ یار زندگی
سیر ءَ بچار وہد ءِ اصیلیں ندارگاں
ڈنّ ءَ دمانے یار درا یار زندگی
ماں زندمان ءِ مشکل ءُ گرٛانیں مسافتاں
دُرٛوہ اِت منارا ہم سفر ءَ یار زندگی
یک رندے من پدا تئی نام ءَ فدا کُتیں
گندئے بہ رستیں دل دُبر ءَ یار زندگی
مارا ناں قاضی یے کہ بہ دنت راست ءِ گوٛاہی ءَ
کئے باریں جنت حق ءِ شر ءَ یار زندگی