بس وتی جندءِ گَمءَ اِنت چہ وتا گیش نہ اِنت

بس وتی جندءِ گَمءَ اِنت چہ وتا گیش نہ اِنت

آ کہ تہنا پہ وتا انت چہ وتا گیش نہ اِنت

گیدیءَ کئے وتی وابانی مُراداں گندیت

زندگی مَرگءِ دپءَ اِنت چہ وتا گیش نہ اِنت

چہ ہما روچءَ کہ آدم چہ بہشتءَ کپتگ

آدمی ذات ہما اِنت چہ وتا گیش نہ اِنت

من بُتے زاناں بہ تراشاں پہ وتی بندگیءَ

آ کہ "تئی دین"ءِ ہدا اِنت چہ وتا گیش نہ اِنت

ہر ہما کس کہ وتی آجوئیءِ گپّءَ نہ جنت

چہ دلءَ وہدے"بگا"اِنت چہ وتا گیش نہ اِنت

سدّکاں کپتگیں مردءَ چہ گِلگّ بے مانا

آ کہ جندءَ گوں دگا اِنت چہ وتا گیش نہ اِنت

آپ زوراکیءِ نوں پہک سرا چہ گوستگ

قاضی کیفانی تہا اِنت چہ وتا گیش نہ اِنت