بیا او بیا منی ساہ ءُجان

بیا او بیا منی ساہ ءُجان

بیا او بیا منی ساہ ءُ جان

پرتو سر کتگ من قربان

وہدے تو کنے گوں من تران

مشکل بنت منی وت آسان

گران انت کہ ببے تو نگران

من چوں گار بیں تئی دردان

بیا کہ دل منی چوں گار انت

دوستی من سرا تئی سوار انت

پر تو دل منی درد وار انت

سر تئی ندٛری ءُ گیرینک اِنت

دل تئی پلوٛ ءَ بندوک اِنت

آچے ماں دل ءَ چو روک انت

دوری تئی دل ءِ سوچوک انت

دائم تو ببے وش ءُ شات

پر تو سرمنی بات خیرات

آدمؔ دل ترا زانیں دات

حقانیؔ گشیت دوست بیایات