اے پرنگی ءِپیشتری کاردار
اے پرنگی ءِ پیشتری کاردار
نام پرنگی ءَ کرتت انت سردار
ملک ءُ راج ءِ دشمن ءُ سیاہ مار
اے نہ اِنت ہچبر راجانی درد وار
شت کہ سرداری بوتنت نوں لیڈر
اختن راجانی پتران شرشر
گشت اِش کوہاں پیم کن اَنت سنگر
جنگ کن اَنت اما بئیں شمئے رہ بر
بیا ات اچ ملک ءَ کشن سرکار ءَ
نیلں وتی ڈیہہ شومیں گرکار ءَ
گربگاگوشت ات انچو مشکار ءَ
ماکتگ توبہ اچ بدیں کار ءَ
سردار پوش اَت لیڈری جامگ
پیشی ءَ پاشینت نوں ور اَنت ہامگ
سردار برے پیمہے حیلہے سازیت
مہر کنت راج ءَ ہر روچ جمازیت
پیش ءَ سردار اَت نوں بیت لیڈر
اوٹاں لوٹیت ءُ مارا کنت بےدر
وہدے بہ کوہاں مار ءَ لاگینت
وختے رُنگ راہاں راج ءَ تاچینت
وہدے مان تر ءُ وہدے کنت رنگان
وہدے پلائینت انت مارا گوں ڈنگان
گوما سرکار ءَ وت کننت بدخواہ
اودا سرکار ءَ آدئینت وت ڈاہ
94
انگور ءَ جان ءَ وت دینت تیر ءَ
آنگر سرکار ءَ گوں درانت شیر ءَ
ہرکس مہ بیت باگی آر ءَ جنائینت
باگی ئیں براساں گوما مڑ ءَ ئیننت
اے نہ انت راج ءِ ہمدلین سردار
اے پرنگیاں کرتگ انت مُردار
راجاں پیش جوڑ کرتت کہ سرداری
ہست ات گوٛما سرداراں شرف داری
مرگ ءَ اچ راج ءِ پیشتر ءَ مرت اَنت
سردار راجانی بلاہ زُرتنت
راج پہ سردار ءُ سردار پہ راج ءَ
انچو دل خواہ ات راج ءَ گشت واجہ
راج ءَ وتی سردار ءِ قسم وارت اَت
سردار راج ءِ دل وت نزآرت ات
سردار ہما راجانا چے پیم دوست اَت
راج ءَ را سردار ءِ مدام اوست ات
راج ءَ سردار پاگ سر ءَ بست ات
سردار پہ راج ءَ اچ سر ءَگوست ات
نوں نہ انت سردار اے مداری انت
اے ملام خور اَنت راہ گداری انت
اے پرنگی ءِ بوتت انت ڈاہی
وارت پگار ایشان زرتش بدراہی
پیش ءَ سردار اَت بوت نوں جون وار
آدم حقانیؔ گُشتیناں گوش دار