شِنگ کن:
درے نوکیں دربگیج ایت ہما رہبر ءَ نگنداں
ببیت دیم پہ دیم گوں مرگ ءَ من آوت سر ءَ نگنداں
تہا سینگ ءِ بترکیت بدو حوریں دژمن ءِ دل
تئی شیری پنجگ ءَ من ہما مردور ءَ نگنداں
من اے کوہ و کوچگانی ہمُک شہر و میتگانی
پری رنگیں ماہ رُوآں تئی درور ءَ نگنداں
نہ عمل نہ شریں کردے نہ کہ دیر سریں خیالے
گل و شادہانی روچے پہ تو دیم تر ءَ نگنداں
اے صباح ءِ گوات سارتیں بدے ترانگے گُل ءَ را
گوشے زند ءِ گڈی ساہ انت تئی غم ءِ بر ءَ نگنداں
ہمُک شعر ءِ بندے ساحرؔ بدات گرمی ئے دل
شمے مجلس ءِ سرپاں من ہما شاعر ءَ نگنداں