شِنگ کن:
اَگ موسمے بِیتہ بھار ، گُڑا دِل منی لوٹی ترا
ھئورئے دَرِیگ ءَ کئیت توار ، گُڑا دِل منی لوٹی ترا
تئو زِندگی، اَرواہ منی، من باں تئی، تئو بئے منی
یاداں تئی باں بے کرار ، گُڑا دِل منی لوٹی ترا
اے ایوکی ئے زِندگی ھِچی وڑا اڑزان نہ ایں
وختے اگر رؤت ھوش ءُ سار ، گُڑا دِل منی لوٹی ترا
آھڑ زمستان ءُ سُھیل ، بشام بِہ بی یا بھارگاہ
گوریچ بِی یا کے لِوار ، گُڑا دِل منی لوٹی ترا
ساراں یا بیساراں کدی، ھِچی نہ اِیں جان ئے سما
بنگاں شراباں باں ملار ، گُڑا دِل منی لوٹی ترا
ترانگ تئی واھگ تئی، نئیں جیڑغ آں کُٹ اَنت دِلئے
واباں تئو کایے بار بار ، گُڑا دِل منی لوٹی ترا