شِنگ کن:
دِلانی سُتکگیں انگار بنت کہ پَشت کپنت
ھیال گوْستگیں کِردار بنت کہ پَشت کپنت
اے ساہءُ سر کہ نمانَنت اَجب نہ اِنت پمّن
گِدارے کِسّہ ءُ گُپتار بنت کہ پَشت کپنت
منا چہ رند اے دمکانی ھورکیءَ کئے زانت
منا چہ رند اے بازار بنت کہ پَشت کپنت
ھمُک در ءَ وتی چمّانی کوری ءَ گِنداں
مئےواب باریں کجا گار بنت کہ پَشت کپنت
گوں لَھڑیں شَرتگاں سرگِپتگنت زِرءِ پُشپد
وتی پہ بوجیاں آچار بنت کہ پَشت کپنت
دلوں زریت پہ مُرادانی دیستگیں واباں
شپانی دیدگاں استار بنت کہ پَشت کپنت
ھمے وڑا کہ منا تو ، نہ رَستگ ئے ارمان
بگندئے انچیں دگے کار بنت کہ پَشت کپنت