روچ ءَ نہ زانگایاں ، شَپ ءَ گِندگا نیاں

روچ ءَ نہ زانگایاں ، شَپ ءَ گِندگا نیاں

من اَنچو ایوَکاں کہ وتا گِندگا نیاں

وہد ءِ گُباراں چمّ تَہارینتگ اَنت منی

بس چارگایاں اَنچو ، ترا گِندگا نیاں

لوگ ءَ چہ کمّے دُور ، آ بازار ءِ نزیکءَ

یک رَندے دیست وتا من پدا گِندگا نیاں

ہِچّی نہ مَنتہ بیدء منی بے کراری ءَ

ڈنّ ءَ نہ چارَگایاں ، تہا گِندگا نیاں

تئ ترانگاں اے پیژگہ ءَ یک رَندے کَندِتہ

نوں آ ابیتکی ءَ من اِدا گِندگا نیاں

آگاہی ءَ من دیستہ تئ واب ، ہَو بلئے

آگاہی ءَ نوں واب ءِ وڑا گِندگا نیاں

کِسّہ بدل کُتہ منی اَہد ءِ نُماسَگاں

آ بَلّکُ ءَ نوں آس ءِ سرا گِندگا نیاں

ارماؔن نامیں مردُمے گون اَت گوں ہرکسءَ

اے مردَک ءَ نوں جند ءِ گْورا گِندگا نیاں