شِنگ کن:
دیر مَبی اَچ مَن تو گلیں مَھرنگ!
زِند بیت ویران ماھلیں مَھرنگ
داتگیں دَرداں تئی حسابے نیست
بیا اِشاں ساعتے اِنسریں مَھرنگ
بُرت منی زِرد ءِ، گنگل ءُ تاھیر
گِردُکیں چمّاں کنجلیں مَھرنگ
مدّتے پِر گوستگ کہ کور آس اِنت
واھگ ءِ کَندیل ءَ بلین مَھرنگ
پہ منا کہ دستاں کہ شھارے تو!
روچ ھما بیایات وشدلیں مَھرنگ
لُرد کُتگ بَدواہ ءِ بدیں گپّاں
بیا دل ءِ کُمب ءَ سنگریں مَھرنگ
جَلّ اِتگ لُنٹانی سَر ءَ ساہ ءَ
پہ تئی دید ءَ شَمُّلیں مَھرنگ