امان اش دوشی ئیں سیائیں سیاہ شپ !
شپ سیاہی و مئے بختءِ تباہی
من و آزمان ، دوئیں سیاہیں شپے داشت
دوئیں یک رنگ
دوئیں یک راز وپیم ءَ
گُشئے کہ ھر دوئیناں گپتہ سیاہ تپ !
من و آزمان سر چیر باز حیران
منی چم سکّ بہ آھی، آھی بمّن
دوئیں یک دومی ءَ راہُورت چاران
من دل سیاہ آزمان
دیم سیاہی گواران
بزاں سکّ تہارمہ ئت، دوشی ئیں سیاہ شپ
منی چمّ سک گوں استاراں ، شمارت
بلے آزمان شہ چماّن کور، نارت
نئے استار گواہِتگ آزمانءِ دیم ءَ
دوئیناں زُرتگت سیاہیءِ بیم ءَ
گوں مرک سک داشتگت یک ڈول و پیم ءَ
دوئین راہ چارتگ بانگو ءِ روک ءَ
من و آزمان ، یک وڑ چو گنوک ءَ
اناگاہ سُہریں استالے چولال ءَ
ترْپِت برْشکت
چورنگ ءَ ماہکانی کام و سیال ءَ
گلان بوت آزمان !۔ کہ
شتگ، بال کرتگت دوشی ئیں سیاہ شپ
زیان بوت آزمان ءِ دیم سیاہی
بلے پش کپت وتی بخت ءِ سیاہی
اوتباہی ۔ کہ من ءَ انگتاں دوشی ئیں سیاہ شپ
ھما سیاہیں شپ و سیاہیں سیاہ تپ !