دُوشی کُرتگوں

دُوشی کُرتگوں اکرارے

زُرتگ کوپگاں یک بارے

ملگور چُکّ اِتگ اَھدانی

زانتگ بے دِمیں سْیہ مارے

اندوھاں مزار بیمّیناں

بستگ پمّن ءَ اِنزارے

ٹَپّاں آزگیں بے واری

دَرشُت زُومّ سریں کاٹارے

بشّی کوکراں سر کَشتگ

پیداک اِنت گمانی ھارے

ھانؔل پہ ترا چمّان اِنت

گْران ءُ مشکلیں ھرکارے

ھونشنزیں دل ءِ ریشان ءَ

پِر داشتگ پد ءَ اَنگارے

کپتاں تْرانگ ءَ دوست ئیگ ءَ

چِست بوتگ دل ءِ پاھارے