اے منی واھگ ءِ بدل دات تو

اے منی واھگ ءِ بدل دات تو

زُرت من ءَ اشکراں چَگل دات تو

اَے ھُدا بُند وَشدِلیّانی!!!

زِند من لوٹ اِت ءُ اَجل دات تو

پَہ من ءَ بژن ءُ مُجتّی اَندوہ!

وَش نیاتکان ءَ شات ءُ گل دات تو

ھرچی ءَ چَشت نُکّ ءِے جَور ءَ بیت

اِے ”برے“ چونیں مِھر ءِ وَل دات تو

مئے گنوکی ءِ کوھنگیں پَشک ءِ

دِرتگیں جِیگ گیش تَل دات تو

بِشتیں کہ پَیکّی بِہ مُرتیناں

پَرچی ساہ سِستگیں اَڑل دات تو

نی مُدام ساحرؔ ءِ جن ئے زنگ ءَ

رُو ءُُ دم" پرچی ءَ اَول دات تو"