گم ءِ اَکسے منی کِسّہ ، مَہ لوٹ ئِے

گم ءِ اَکسے منی کِسّہ ، مَہ لوٹ ئِے

من ءَ گون اِنت تئی کِسّہ ، مَہ لوٹ ئِے

سُبکیں ھلوَت ءِ شِیزار ءِ دَست ءَ

کہ تالان اِنت مَئی کِسّہ ، مَہ لوٹ ئِے

چہ جیگ ءِ سَر زِھاں ھَو ترنمپ ترنمپ ءَ

رِچیت اَرسے منی کِسّہ ، مَہ لوٹ ئِے

چی ءَ دَرپ ءُ گِلیپاں پٹّگ ءَ ئے

منی جِند اِنت تئی کِسّہ ، مَہ لوٹ ئِے

لِقاہ ءِ تُنیگیں واھِشت ءِ دَرنگ ءَ

لَگْشتہ رولھی کِسّہ ، مَہ لوٹ ئِے

پد ءَ نادل سَریں دَزگوار ءِ دیم ءَ

تو گْشتہ زی کئی کِسّہ ، مہ لوٹ ئِے

فضل شئیرانی اَرواہ ءِ گِدار ءَ

نبشتہ ما وتی کِسّہ ، مہ لوٹ ئِے