گوں کندگاں وتی گُلنار چنچو زیبا اِنت

گوں کندگاں وتی گُلنار چنچو زیبا اِنت

تئی وفاءِ گُنَہگار چنچو زیبا اِنت

وتارا گِنداں ہَمُک مردمءِ تہا مرچاں

مئے ایوکی سرِ بازار چنچو زیبا اِنت

منا گوں چو منی بچکند ءُ ارساں نزیک اِنت

تئی جتائیءِ استار چنچو زیبا اِنت

کَسے منی وَڑیں گوھر شُناسےءِ دیما

سَتاء کنت کہ "منی یار" چنچو زیبا اِنت

تئی گِندگءِ وَ دگہ شیرکنی ءُ تامے بی

تئی گِندگءِ ہمے آثار چنچو زیبا اِنت

داں نشتگاں گُشئے بے مردمیں یہ اوتاکے

مں سرگِراں تہ اے بازار چنچو زیبا اِنت

زمانہ گام کساسیت بلئے پدا اوں زبیر

وتی تَبءَ وتی رفتار چنچو زیبا اِنت