شِنگ کن:
گوں من نبنت سگّگ گم ءِ تاوان ءُ سیت
کبلیں دل اِنت گوں مرمریں سنگاں مسیت
مرچی بگندئے بینگے گز ءَ چریت
مرچی چو مستیں لیڈو ءَ اِنت ملکمیت
انگت وتیگان انت کرام ال کاتبین
انگت کج اِنت کوپگ سراں پاک ءُ پلیت
من مرگ پہ وت زرتگ سوگند انت منءَ
اے زندگی باریں کئی بَهت ءَ کپیت
من ھم ھمودا ھاک ءُ جس باں گوں گماں
ارسے چہ تئی بن گپتگیں چماں شلیت
قاضی کہ ھر گام ءَ دو گام ءَ مَهتل انت
روچے نہ روچے منزل ءَ جزماں رسیت