گُلزار اِنت

ٹَپّاں دل پدءَ گُلزار اِنت

درداں وادہ ءُ اِکرار اِنت

بَزّگ کن پہ اے واھدار ءَ

اِمروز ءِ گماں چہ بار اِنت

زِند ءَ انگراں پِرلیٹگ

راستیں واھگ ءِ راھدار اِنت

من چَتّو یکیمّاں ھانؔل

دل انگت پہ تو واھدار اِنت

جار کپتگ گُل ءِ بازار ءَ

ٹپیگیں دلے کئی گار اِنت

لوٹاں وشّی ءَ تئی، بِلّے

دنیا سرجم ءَ آزار اِنت

بے تئی گندگ ءَ در نئیت اِنت

اَرواھوں تئی چمدار اِنت

توجیلّے نہ گِنداں جْوانیں

جُھدوں بیرگ ءَ لاچار اِنت

گوناب ءَ مَگِر ماھین ءَ

شیدائیں سیؔد بے سار اِنت