شِنگ کن:
گُل ءِ ملگور کاشیں پیچ ءُ تابے اَنت
ءُ آسکی دیدگانی رنگ گلابی اَنت
اشاں دوستی ءِ وارتگ گرانیں شھماتے
گِرانت تاھیر نئے کہ وَرد ءُ وابی اَنت
کن اَنت وعظ ءُ حدیث ءُ جنّتی گپّاں
بلے کردار اِش جِند ءِ بے ثوابی اَنت
دل ءِ جُھلانکیاں دَرکن گُلیں دانکے
تو ھرچ گپّے کنان ئے درست کتابی اَنت
بدار دستاں چہ ظُلم ءَ دَھر ءِ زورآور
تئی اِے زندمان ءِ روچ حسابی اَنت
شپانک ءُ، ڈیھ ءِ دھقان، ساربانانی
کجا! لوگانی بانُک ٹھل ءُ دابی اَنت
دپ ءَ اِنت ھر کسی ساحرؔ، تئی راج ءِ
زباد مالیں کَج ءُ مَردین شرابی اَنت