شِنگ کن:
ھر جاگہ رد کپتیں نواب آدینک ءَ مردم چار اتگ
چہ دامن ءَ گوستیں نواب آدینک ءَ مردم چاراتگ
برپ ءِ کباٹانی تہ ءَ ھر روچ پُلگ بیت زندگی
آس ءِ گسے بستیں نواب آدینک ءَ مردم چاراتگ
نوداں دو جوھان شنزاتگ ھامین گورشان ءَ کتگ
شِمشے دل ءَ رُستیں نواب آدینک ءَ مردم چاراتگ
اے ھلک ءِ پیریں زندگی ما پہ سپت رودینتگ انت
آدینک تنگدستیں نواب آدینک ءَ مردم چاراتگ
تو ارس سھاتو کت انت من شپچراگ پاتو کت انت
گوات ءِ گُبار گوپتیں نواب آدینک ءَ مردم چاراتگ
انجیر ءُ مھناز ءِ زھیر ھر دو نواب ءِ لاڈک انت
بَل ءَ زرے رستیں نواب آدینک ءَ مردم چاراتگ
اے جنگ آپ ءِ سنگرے سربازاں سینگارئِے کتگ
دریا سِلاہ بستیں نواب آدینک ءَ مردم چاراتگ