شِنگ کن:
ندراں تئی منءَ را بِنازین اِنشپی
تانکہ سباہ ءَ وشّیاں نادین اِنشپی
اِے وژدلیں دمان ءَ گِلگ ماسِیت مکن
دلرنجیانی چوٹواں گاڑین اِنشپی
اے سوب من نہ زاناں من ءَ چونی ءَ رس اِت
اَے کُل وژدلیاں بگْوارین اِنشپی
کَے زانت کدی پدءَ چُشیں دَورے پَمَن بئیت
کولیگاں شِیر ءُ شکّلاں بْوارین اِنشپی
گْوستگ اِے ٹپّیئیں دل ءِ زندے پہ گْریوگ ءَ
اِے دَردوار ءَ شَرّ بہ سھڑین انشپی
بْیا وشّیاں بِنوشیں من ءُ تو پہ دلجمی
آ دژمن ءَ را جَور بہ چارین اِنشپی
اے ھانؔل اِنت سیؔد کہ تئی کُلّ ءَ داب کنت
رُکست کن درد ءُ دوراں مَنَارین اِنشپی