شِنگ کن:
میتگ ءَ کس نیست
گندگءَ کس نیست
گپ ءُ دیوان نیست
دل کدیت اندر ءَ
پت گوں برات ءَ شتہ
لوگ سوتکاں اشاں
عید ءَ پش کپتگاں من منی ایوکی
چماں سرمگ کجا چے کناں من وتی
نوکیں پچ ءُ گداں من گوارا چون کناں
موداں رنداں چیا
نوں من کنداں چیا
کسے دیدارے ءَ گندوکی ءَ نہ ایت
دوستے مہروانیءُ سنگتی ءَ نہ ایت
گوکءُ اشتر مال ءُ دلوت
ہچ نہ گواھیت ادا
بزگیں پہ دل ءَ
قیمتی ایں سرانی روگ تورگ انت
مارا گوں ایوکی ءَ مِرگ تورگ انت
زندگی وش نہ انت
کندگانی تہا ارس چماں رچنت
چوں کناں سینڈل آں
چو ں کناں وشبو آں
ہنی دستاں چے پیم ءَ کناں من وتی
دستءِ گھریال ءُ باہوآں من چے کناں
لوگءُ میتگ کماش درست ابیراں شتاں
چیزے زند ءَ شتءَ گوں اسیراں شتاں
عید ءَ من چوں کناں
نشتگاں ایوک ءَ
کپتگاں ایوکءَ