شِنگ کن:
چنچو وش بیت اگاں تو گون ببے
اے سفر نود بیت رچیت وشبو
زندگی اوشتیت بالی ایں مرگ ءَ
شاھ ءَ. درچکانی سمبھیت وشبو
ما وتی چم رھن کت اَنت پرتو
مارا بے تئیگ ءَوش نہ بیت وشبو
اندرءَ روک بیت. چراگے منی
من سچاں شپ سچیت سچیت وشبو
لال ءُ آکوت ءُ ماہکان نودیں
دامنءَ روچے تئی سَرپیت وشبو
مارا پیڈاتگ تُنّی ایں مھراں
ما گشیں تو ببے بہ بیت وشبو
دل درآمد کتگ نہ زرتگ من
آس سوچان کنت سُچیت وشبو
شاکرءَ سر جتگ تیاب ءِ دپ ءَ
کِشتگ ریک ءِ تہا نہ بیت وشبو