جی جانء من پرہیز کنے
کاراں بدیناں ہیز کنے
وت مں وجود ءَ کیز کنے
دلٹری دماگان تیز کنے
صحب ءِ دم ءَ برخیز کنے
نام ءَ حدا ءِ یات کنے
من حاطر ءَ تحیات کنے
گور لامکان ءَ عرض کنے
(۱)پرمود گینان فرض کنے
شود کہ جمات ءَ جم کنے
اود مدعیان کم کنے
دل اچ غمان بے غم کنے
پیشی شفات ءَ سم کنے
طوطی تو ءُ ملک ءِ چمن
(۲)ہجا نہ بوتے جان ءُ تن
آ روچ کہ تو بستے سمن
دست داتگ ءُ گپتے و چن
یکجا گہ باں گوں عین ءُ من
پہ جن ءُ اِنس ءُ خلقتاں
تاویز پہ فہمندگاں
بَشک ئے پہ میم(۳) ءِ برکتان
وت چیرانت ءُ وت شاہد انت
وت ظاہر ءُ وت باطن انت
اود کہ ہمو وقت ءَ وت انت
جملہ جہان ءِ داوریں
مارا یقین ءُ باوریں
دریا بہان موجاں گوریں
بوجی پرا آحت و شُتیں
دیمپان(۴) دست ءَ کشتی ئیں
چپوئے زرد ءِ نیستی ئیں
وت خالق جملہ جہاں
مہر کن پہ آسانیں سراں
پردوستی ئے پیغمبران
اود کہ ترازی تور کنے
نے گلگل و نے شور کنے
نے گوں غریباں زور کنے
پیغمبرؐ ءِ رندا دئے
داں جنت الاما وا برے
اودا امام دیدار کنے
_______________
۱۔پَرہمود۔ ۲۔محمدﷺ۔ ۳۔ہچ جاگہ۔ ۴۔سُکاّن۔